(По 2 дена)
Ова беше се што ми идеше на ум кога го видов видео спотов... Да се соземиме... Реално гледано, дечково ептен тупи со неговиот живот... Мислам, секоја песна му е: „Јас бев ваму...“; „Јас бев таму...“; „Мене ова ми напраја’…“; „Мене она ми напраја’...“; итн... итн... Но, видео спотот на последниот сингл на белиот ме остави без здив... Еве, зедов храброст, во средина каде што 80% од паметните, бистрите и критичките блогери – според мене (додуша, малку загубени во фантазијата) слушаат рок, да ја објавам оваа, еден вид на рецензија... Но, без разлика, овде ставам акцент на видео записот (и покрај тоа што и самата песна ме бендиса)... Песната си е приказна самата за себе, ако ја слушаш, само ако си Hip-Hop фан кој го следи батево од почеток би сфатил за што станува збор, но ако си некој отстрана, уште кога слушаш рецитирање ред по ред, вртиш станица и никому ништо... Епа, драг читателу, мој совет е, појди на Google, пиши „Eminem When I’m Gone“ (без наводници), и на линковите долу, барај Watch the Video… Според мене, ова е MASTERPIECE… Спотот те води низ приказната што ја раскажува песната, и тоа буквално, те става во центарот на случувањето... Секој збор е запишан на екранот, а визуелните ефекти се баш на правилно место, и даваат посебна убавина на сето ова... На режисерот, искрено, му симнувам капа... Не е мала работа да ги гледаш овие работи, само слушајќи некој како рецитира... Имагинација е во прашање... Кој е критички настроен и има остро око кога е во прашање уметноста, задолжително да го погледни овој видео запис...